ساحر البشر
02-18-2009, 02:48 PM
خولى من غير جنينه
ومش لاقى لورده مكان
ووروده دايما حزينه
من الهم ومن الحرمان
وناى من غير شفايف
وصوابعه متجرحه
فى ليل قمره خايف
وجراح متطرحه
وغريب على باب يخبط
عطشان لحبة ميه
ومحتاج لأيد تطبط
على كتفه بالحنيه
رجع ياعينى تانى
شايل على كتفه عطشه
قال أرجع لزمانى
ويرجع تانى لعشه
لا لقى الزمان الزمان
ولا لاقى عشه وقشه
وحمام أبيض سلام
ماليه دموعه العين
تفهمه من غير كلام
أصل كلامه اّنين
بيبص يمين وشمال
على الرايح والجايين
بيقول ياأمان وسلام
ليه عليك دايسين
وجعان مادد أيديه
وعريان والدنيا برد
لا حد حن عليه
ولا حد قال له خد
ونقول الدنيا ليه
كده أسيه وغداره
والدنيا أحنا ظالمينها
ونفسنا بالسوء أماره
ازاى تكون شبعان
ويجيلك فى الليل نوم
وغيرك عريان وجعان
ومن هدمه ولقمه محروم
مد ياصاحبى أيديك
للى محتاج ليها
الدنيا حاتضحك ليك
وحنلاقى الخير ماليها
حنلاقى الخير ماليها
ومش لاقى لورده مكان
ووروده دايما حزينه
من الهم ومن الحرمان
وناى من غير شفايف
وصوابعه متجرحه
فى ليل قمره خايف
وجراح متطرحه
وغريب على باب يخبط
عطشان لحبة ميه
ومحتاج لأيد تطبط
على كتفه بالحنيه
رجع ياعينى تانى
شايل على كتفه عطشه
قال أرجع لزمانى
ويرجع تانى لعشه
لا لقى الزمان الزمان
ولا لاقى عشه وقشه
وحمام أبيض سلام
ماليه دموعه العين
تفهمه من غير كلام
أصل كلامه اّنين
بيبص يمين وشمال
على الرايح والجايين
بيقول ياأمان وسلام
ليه عليك دايسين
وجعان مادد أيديه
وعريان والدنيا برد
لا حد حن عليه
ولا حد قال له خد
ونقول الدنيا ليه
كده أسيه وغداره
والدنيا أحنا ظالمينها
ونفسنا بالسوء أماره
ازاى تكون شبعان
ويجيلك فى الليل نوم
وغيرك عريان وجعان
ومن هدمه ولقمه محروم
مد ياصاحبى أيديك
للى محتاج ليها
الدنيا حاتضحك ليك
وحنلاقى الخير ماليها
حنلاقى الخير ماليها