لطلاب التوجيهي وبس <<< علم

[AYLOL <--]

السلام عليكم ..


بيا جماعة بما انا بندخل المنتدى ...بننسى انو ورانا .. "كوم " قراية ..بدها الي يقراها



واحيانا ..بنكون بدنا شغلات ..وبندوخ واحنا بندور في النت عليها ..


احيانا بنكون مش قادرين نقرا ..مش عارفين نقرا ..طفشانين وبدنا حدا يشجعنا وبس ..


احيانا بيكون في سؤال مغلبنا .. وبدنا حل بسرعة ..

:
:


في هاد الموضوع بدنا الكل يلاقي الحل لهاد المشاكل ولغيرها ..بتخصنا ..كطلاب >> التطفل ممنوع <<


يعني على قد ما بنقدر نساعد بعض ..بدنا نحاول نساعد بعض

في كل النواحي ...



الي عندو شغلة بيقدر يفيد فيها الباقين يا حبذا ..يجيبها النا

حتى لو فكرة بس ..




:
:


ريلاكس .. هني .. عاصفة الرماد ..همسة حب .. الملاك .. ضوء القمر ..لوست هارت

رماد الذكريات ..الحلم الضائع ..حنين ... رودي ... شمشوم الجبار ... ..>> واخيرا حبي دريم



الكل ..ورونا حالكو هان



:
:




بس رجاااءا >>> نستفيد ..مش نقلبها شات على الفاضي


اذا في في الحكي ..فايدة احكو ... بس مرحبا ..اهلين .. الخ مش ضروري


:
:

[AYLOL <--]

انا رح ابدااا ...


هاد الموقع فيه ..اسئلة تلاخيص .. كثيير حاجات


لكل المواد تقريبا


http://multka.net/vb/showthread.php?t=18360



شوفوا اذا محتاجين اشي منو ..!!

[ReLaX]

حلوو ,,


بس شكلنا انا وانتي بس حنكوون بالموضوع لاني ما بشوف طلاب توجيهي غيرنا ع النت


.

.


انشاء الله برجع بشي مفيد


تقبلي مروري ,,

[AYLOL <--]

مش مشكلة ... بنحل الواجب مع بعض ..


:
:

ممكن لو حدا مش توجيهي ..ولقي حالو فاضي ..واحنا متغلبين في اشي وبندور عليه


يجي ..يساعد وهو ساكت ..


:
:

[AYLOL <--]

وين يا طلاب توجيهي ..؟؟؟!!

[× . جُـوْد . ×]

طيب ومش جايبة سيرتي بين اسماءكم

ريلاكس .. هني .. عاصفة الرماد ..همسة حب .. الملاك .. ضوء القمر ..لوست هارت >> طبعا انا على راس القائمة


فكرتك حلوة ايلول

اول اشي من هان لبكرا بدي اسألك انتى وريلاكس
حليتوا واجب الكيميا ؟

طلع معى الترتيب >> طبعا من الاكبر للأصغر .. وطبعا انا مرتبة من الشمال لليمين يعني نبدا من الـ F
F9 .. Cl17 .. P15 .. S16 .. Mg12 .. Al13 .. Na11 .. Rb37


بصراحة اي دونت نو كيف طلع معى الترتيب

تلخبط عقلي كليا
فإزا طلع معكم هيك احكولى لانه يا انا يا هالسؤال عاد :1 (11):
ولاازم ينحل قبل ما يجي بكرا وقبل ما اروح ع المدرسة

وبس

سلامي :$

[AYLOL <--]

لا يا عمري ..شو انساكي ما انساكي ..

ولك اذا لاحظتي ..اسم ايلول مش موجود ..

يعني ما حكيت عن حالي

وبما انو انا وانتي واااحد .. فطبيعي ما اجيب سيرتك

فهمتي ..افهميني صح يا عمري ..




بعدين بالنسبة للسؤال ..


هذا انو سؤال بالزبط ..

انا ما بعرف انو عنا وااجب


انا الي حليتو الي اعطتنا اياه على الدفتر ..

واجابتو طلعت معي ..


Na>s>p>al>mg>k

للعلم فقط حليت كل السؤال ومتاكدة من كل اشي ما عدا الترتيب محتارة بالبوتاسيوم وين احطو


هو طاقتو اكبر من المغنيسيوم .. لكن مش عارفة ..



:
:


منورة يا عمري

[ReLaX]

دريم >> حلك طلع زي حلي :1 (38):
.
.
.

Rb<Na<AL<Mg<S<P<CL<F

ما غلبني السؤال رغم اني ما حفظت حالات الشذوذ

عملت التوزيع ومن التوزيع عرفت فوراا


.

.


تحياتي

[× . جُـوْد . ×]

اها طب منيح

شككتني بحالى ايلول

بس شكلها فاتحة الجدول تاع طاقة التأدين وكاينة ترتب من الجدول :1 (137):


انا كنت زهقانة ورحت ارتب جدولى
وقال لقيت حالى بحل اسئلة الفصل تعت الاحياء علشان اطير زهق

حلو هالاسلوب من اساليب التسلاية :1 (123):


وخلاص هيك انتهى يوم دراسيي كامل

نشوف شو بكرا مخبيلنا

وبننتظر افكار جديدة ونقاشات كيميائية وفيزيائية واحيائية " او يمكن حياتية ؟ :1 (38): " وريااضية

كله بيهون في سبيلك يا عم توجيهي

[ReLaX]

http://www.multka.net/vb/showthread.php?t=60898

>> هدا الرابط شوفوه

لعودة مادة التكنولوجياا ,, اكدولي هالمعلومة اوك


.
.
.

:1 (38):

[× . جُـوْد . ×]

والله العظيم حرام عليهم

دخيل الله كل يوم بكلمة

بيكفي هبل عاد ويعطونا كلمة وحدة


يعني دولة وفيها حكومتين
وتنتييين ومش قادرات يمسكوا البلد
وملهمش كلمة


هاد القرار تاع الضفة فكرك احنا شو حيكون قرارنا

انا بقترح ع الاخوة في الرئاسة يلغوا السنة
اشرفلهم


دخييييييييييييييل الله

نرفزتيني ريلاكس :1 (11):

[ReLaX]

وليش تنرفزي

لا هي اول ولا اخر مرة نشوف فيها مادة التكنولوجياا

بس عشاان تتعلموا انتو ومعلمتكو التكنولوجياا

لمن أنا أحكي كلمة خلص انتهينا ما بتسمعوو من اول ولا بتآخدو باخباري



:1 (51):



.

.


دريم // يا جبل ما يهزك ريح

بس كنت حاابة ااكدلكو مصادر معلوماتي

[× . جُـوْد . ×]

خلي معلوماتك الك

وابقي قابليني ان ما انحزفت يا رلاكس

:1 (39):

[3laa]

وليش انتن منزعجات من التكنولوجيا
اصلا محذوف اكثر من نصها
يعني 50علامة ببلاش
قولن يا رب يحذفو الاقتصاد

[AYLOL <--]

والله يااااريت تنحذف الادارة والاقتصاد ..والله لغير احلى لو انحذفت << خصوصا اني مش طايقة لا المادة ولا كتكوتتها ..



:
:


بعدين نسيت اقول الكو في شروط الموضوع ... تجبوش سيرة التكنولوجيا << :1 (43):



:
:



المهم


بدنا اسئلة كيميا خارجية ..


انا لقيت عندي ملف ورد فيه اسئلة ..بحاول انزللكوا اياه ..



الي عندو يجيب ..

[ReLaX]

عندي اسئلة عن الوحدة الاولى واجاباتها ممتاازة ,, للكيمياا


بنزلها كماان شوي اذا بدكوو


.

.

.

[AYLOL <--]

لا الوحدة الاولى انا ما بدي ..


اذا في اسئلة الوحدة الثانية ..

[× . جُـوْد . ×]

قبل شوي لسه كنت بتفرج على اسئلة كيميا خارجية من الجرين لايت

بس مش موجودة عالجهاز :1 (91):

والأسئلة بسيطة مفيش فيها أفكار


انا اللي لازمنى بجد بجد اسئلة خارجية للفيزيا الوحدة التاانية

والحمد لله ولا اشي خارجي عندى بيخص الفيزيا >> ومنيح اللي عندي وزاري اصلا :1 (126):


ويلا بدي اى ملف وفيه اسئلة فيزيا خارجية وحدة تاانية

واصلا انا من الاول بحكي لو يرجعولنا التكنولوجيا ويحزفوا الادارة والاقتصاد بيكون احسن

بتفرج بامتحان الادارة السنة اللي فاتت بتيجني حالة احبااط :1 (114):


الله يستر

شكلنا حننام مع هالادارة وخصوووصا بوجود العجب

صبرنا يا رب

[AYLOL <--]

يحزفوا قلتيلي ..؟؟!!

اتفقنا من زماان اسمها يحذفوا ..


:
:



انا عندي اسئلة خارجية ..للفيزيا
على الجهاز ..من الاوس ...


بس الاوس مسكر حاليا


:
:



بس عندي اسئلة خارجية الوحدة التانية اعطانا اياها الاستاذ في الدرس ..وعندي اسئلة ثانية



اذا بدك بجيبهم الك تصوريهم ..

[× . جُـوْد . ×]

اممم يحذفوا
سوري خطأ مطبعي ههههههههه

طيب يعني من بعد إزنك يا ريت تجيبيهم علشان اصورهم

ولا اقلك صوريهم وهاتيلي ياهم مفيش عنا مكتبات تصور :1 (117):


وبس هياتني بحضر حالى لدرس الفيزيا :1 (141):

[cнє gυєvσяσ]

بتعانو انتو

:1 (22):
:1 (65):
.. }

[AYLOL <--]

بيجيك يوم تعاني زينا ..


بعدين احنا في > جهاد < :1 (35):


:
:



يا جماعة . ..


انتو اي اشي في علم بتحلقولو ..؟؟!!



وبعدين الي بدو يجي يرد هلحين .. يحطي رااابط في اسئلة احياء الوحدة الثالثة .<<< سمعتو .

[× . جُـوْد . ×]

تالتة ؟؟

ليش احنا وصلنالها التالتة ؟

:1 (129):

[AYLOL <--]

[/b]ms"]اه ولك ..


مش فلتنا الوحدة الثانية .. وبدينا في الوراثة ..


تشككنيش في حالي ..


وبعدين وين الرابط ...

[× . جُـوْد . ×]

اااه صحيح

يي عليا نسيت :$


يختي احكى بدي اسئلة وراثة يا فالحة .. علشان اميّز


طيب يا ستي

لما ادورلك على اسئلة ببقى اجيبلك


سلاموتا

بدي اروح انام :d

[AYLOL <--]

لسا ما صحيتي ..


طيب هاتو اسئلة يلاا ..على الوراثة

[~ ζـلَمٍ ينَـدُثـْرٍ ..]

ههههههههههههههههههههههههه المعاناة موجودة بالذات من الاحياء والادارة والدين والله كل المواد التانية سهلة الى هدول المواد بنقدر انقول انو الدين سهل لحسن تقولو قليل دين


بس والله الادارة والاحياء بالذات عقدة

كيميا وفيزيا ورياضيا وعربى ناااااااااااااااااااار وحلوات جدا


يارب الكل يتوفق ولوانى يائس شوى خوف بس مش اكتر


بدنا نطلع برا هالبلد ايمتا تفرج


تحياتى :1 (27):

[AYLOL <--]

ادارة واحياء ودين ,,, بس

طيب بسيطة

خليهم لاخر السنة ..


:
:


طلاب مدرسة خالد


نزلوا النا نماذج الامتحانات النصفية تبعتكو

بالذات الكيميا .. وفيزيا ورياضيات

:
:

دخلوا الورق سكنر .. او صوروها المهم

يصلوا

[× . جُـوْد . ×]

امممم ما بظن امتحاناتهم النصفية تكون هالمستوى
مش عارفة هيك عندى احساس انه امتحانات الولاد داايما سهلة


اخدنا امتحان عربي نصفي والحمد لله اول مرة احسن حالى انجزت
لانه بجد بجد الامتحان كان دسم مش زي الامتحان اللي فات


اناا بدي اسئلة عن الوراثة

يا ريييت اى حدا حواليه اسئلة وراثة يجيب

ورح ادور وازا لقيت حنزلها هان


سلاموتا

[~ ζـلَمٍ ينَـدُثـْرٍ ..]

ههههههههههههههههههههههههههههههههههههههههه ماشى دريم امتحاناتنا سهلة وشكلك مستهترة كتير

يلا معلش خلوكو على امتحاناتكو لانو امتحانات الاولاد سهلة ومش قد المقاااااااااااام هههههههههه

عارفين انا من النوع الى ما بيدور على دوسيات وامتحانات نصفية خلوكو من النوع الى بيسيب هاى الحجات لمن يخلص المقرر معو

وهدا ما بيمنع انو نطلع على اسئلة خارجية


لازم نطلع بس بكم قليل مو كتير

نصيحة

ووجهة نظر بتضل

تحياتى

[× . جُـوْد . ×]

والله معك حق حلم يندثر

طول عمري بحكي هيك

يا عمي ما هاى المنهج ما شاء الله مش مخلي ولا سؤال


بس بطلع ع البنات اللي عنا بالصف وبيجيبوا اسئلة خارجية

مثلا بترن الحصة وبتطلع المعلمة وبنستنى معلمة الحصة التانية

بهالخمس دقايق بتلاقي البنات كل تلاتة حاطين روسهم بروس بعض بيحلوا سؤال فيزيا ولا رياضيات

اى دخيييل الله .. >>> بس شو بدنا نحكي .. عقد هههههههههههه


بس الاحياء ووحدة الوراثة بالزات مش حاطين فيها اسئلة كفاية

والوراثة ممتعة علشان هيك ما فيه مشكلة ازا حلينا اسئلة عليها كتير



ورح انزل الاسئلة بس مش موجودين هان .. حفظتهم ع الجهاز التاني لما اقعد عليه ببقى انزلهم :p

وقووولى عني عاطلة يا ايلول



على فكرة انا بفكر اصورهم هالاسئلة وابيعهم بتلاتة شيكل على بنات المدرسة ههههههههههههه


سلامو

[AYLOL <--]

خلص .. اتفقنا


بس ففتي ففتي يا حجتي


:
:

بنستنى اسئلتك يا حجة

[× . جُـوْد . ×]

ففتي ففتي ؟

الكل حط عينه بهالدوسية اللي بدي اعملها

حتى معلمة الاحياء حكتلى ففتى ففتى




طيب خووودى عندك هاى الاسئلة

لعلمك بس انا ما قرأتهم
كلهم عن الوراثة لكن لسه مش متأكدة ازا كانوا معنا ولا لاء :$


.
.

1. تم تلقيح نبات شب الليل زهري الأزهار مع نبات أخر ظهرت نباتات أزهارها حمراء بنسبة 50% ونباتات أزهارها زهرية بنسبة 50% فإذا علمت أن صفة لون الأزهار في نبات شب الليل تتبع السيادة غير التامة واجيب عما يلي ::
1. الطراز الشكلي للنبات المجهول
2. الطرز الجينية للأباء
3. الطرز الجينية للجاميتات
4. الطرز الجينية للأبناء
5. احتمال ظهور جين الأزهار البيضاء في جاميتات النبات المعروف الطراز الشكلي




2. ما احتمال إنجاب طفل أزرق العينين لأم زرقاء العيون وأب عسلي العيون إذا رمزنا لجين لون العيون الأزرق ( a ) وجين لون العيون العسلي ( A ) ؟




3. تزوج رجل يعاني من مرض نزف الدم من امراءة حاملة لنفس المرض فإذا رمزنا لجين الإصابة بنزف الدم بالرمز (h) وجين عدم الإصابة بالرمز (H) فاستنتجي ما يلي :
1. الطرز الجينية لجاميتات الآباء
2. الطرز الجينية للأبناء
3. النسبة المئوية للاناث المصابين من بين الإناث فقط ؟





4. عند تلقيح نبات أحمر الازهار بنبات اصفر الزهار كان الناتج نباتات ذات ازهار (حمراء وصفراء وبرتقالية وبيضاء) بنسبة
( 1:1:1:1 ) فسر ذلك على أسس وراثية




5. يوجد تدرج لوني في الثعالب بين اللونين الحمر والاسود وعند تهجين ثعلبان بلون وسطي كانت نسبة تدرج اللون في الجيل الناتج
(1:4:6:4:1) فسر ذلك على أس وراثية



6. عند اجراء تهجين بين نوع من البط له عرف فوجد أن 75% من البيض قد فقس والباقي لم يفقس وكان ثلثي البط ذو عرف وباقي البط بدون عرف فسر ذلك على اسس وراثية





7. عند اجراء تزاوج بين ثور عديم القرون مع بقرات ثلاث كانت النتائج كما يلي :
1- مع البقرة الاولى ذات القرون ولدت عجلا عديم القرون
2- مع البقرة الثانية ذات القرون ولدت عجلا له قرون
3- مع البقرة الثالثة عديمة القرون ولدت عجلا له قرون
فسر على اسس وراثية



.
.
.


هلقيت قريتهم على فكرة كلهم معنا وشاملين كمان

بس لسه ماحليتهم


قووولوا عنى عاطلة

هاد اللي لقيته حاليا ورح ادور كمان واجيبلكم كام سؤال
الاسئلة هاى اغلبهامن المنهج العمانى والخليجي بشكل عام


سلاموت

[ReLaX]

ايلول ودريم , ,

منيح انكم موجودين

المعلمة حلت هدا السؤال بس مش فاكرة كيف انا ,, اللي كتبت فيكم الحل تحكيلي ايااه ضروري ماشي //

يتحرك جسم وفق العلاقة ع3 = 2+ 1/ف

أوجد تسارع هذا الجسم عند ع = 3

[× . جُـوْد . ×]

اممم هلا ريلاكس


هيا عين تكعيب ؟؟ ولا كيف مش واضح كتير

.
.

المهم بنجيب قيمة ف لما ع = 3 من المعادلة الاولى
وبعد ما نشتق بنعوض عن ف

وبنشتق اشتقاق التسارع دع / دن

وبعدين بنعوض عادى

انا ما جربت احل السؤال بس على ما اظن هيك الفكرة

جربي واحكيلي

انا موجودة


سلام

[ReLaX]

عملت هيك من قبل

وطلع الجواب واحد

بس حاسة انه مش مزبووط

هلحين بجربه تااني


.
.

[× . جُـوْد . ×]

ما بعرف انا ما جربت الحل

بس هيك الفكرة اول ما خطرت ببالي

بتزكر مرة المعلمة حلت شي زي هيك


المهم ريلاكس وايلول

بدي منكم هلقيييت تحطولى اسئلة خارجية فيها افكار

لانه والحمد لله ما حليت ولا سؤال خارجي

بس حاسة حالى كل الافكار فاهماها وكلها وحدة ورج ارجع احل التمارين العامة تاني على اخر الليل


حبيباتي >>


سلاموت

[ReLaX]

جبتك يا عبد المعين تعيني . .

انا كماان ما حليت اسئلة خارجي

بسس الحمد لله حليت الامثلة واسئلة كل درس وهيني بالعامة

ومش حاسة في مشاكل >> وهي اللي مخوفني



دريم حبي

ارجعي للسؤال رقم 2 بالتمارين العامة اسئلة الاختيار

واحكيلي كمان ليش طلع الجواب غير موجودة

[× . جُـوْد . ×]

اه سؤال رقم 2 بيقلك >>>
ق(س)=[1/3س+5] >> وبده مشتقة (12) >>>

هان طالب منا مشتقة لاقتران صحيح
لما تعوضي عن الـ س بـ 12

حتطلع عندك القيمة بتساوي 9 يعني عدد صحيح

وفيه قاعدة بتقلك ازا كان في الصحيح قيمة س بتخليه ينتج رقم صحيح فالمشتقة غير موجودة

وازا كانت س بتخليها تصير كسر فالمشتقة = صفر

يعني لما يجيب مشتقة لاقتران صحيح [س] ما في غير قيمتين للمشتقة اما غير موجودة او حتكون صفر


بدي ارجع كمان شوي بسؤال


سلاموت

[ReLaX]

اها


بيشبه سؤال ج اللي في درس الاتصال وقابلية الاشتقاق

فهمته . .

شكرا يا عسل

هاتي سؤال نشووف

[× . جُـوْد . ×]

ريلاكس >>>

عندك في صفحة 80

درس الاتصال وقابلية الاشتقاق

فيه باول سؤال فرع ب ، ج


ل(س) = |س| >> س= 1 ، 0


ه(س) = [س] >> س= 3/2 ، 1




وعندك كمان سؤال رقم 4 بيقول
ق(س) = |س|تكعيب بده مشتقة س



وكمان سؤال خمسة

بده مشتقة سين


والاسئلة هاى كلها فيها قيمة مطلقة او صحيح


بدي منك توضيح سريع لما يجي قيمة مطلقة او اقتران صحيح

كيف نبحث الاتصال والاشتقاق فيهم .. عقدووونى


سلاموت

[ReLaX]

اموت . .

بعد ما شرحتهم ما طلع الرد مشكلتي تعبت وانا بكتب

.
.
.

شوفي يا عمري //

سؤال ب ::

بدك تعرفي المطلع حيطلع عندك قاعدتين سالبة وموجبة بتعرفي

بتبحثي الاتصال عادي من النهايات

اذا متصل بتشوفي الاشتقاق

طبعا الاشتقاق راح يتضمن 3 شغلات

عندما
س>0
س<0
س=0

لمن س= 0 بتشوفي الاشتقاق من اليمين واليسار

ماشي


.
.
.

سؤال ج

بتجيبي الفترة بتعرفي اكيد كيف

ونفس الشئ بتبحثي الاتصال والاشتقاق

على فكرة هدا السؤال على نفس القاعدة اللي بسؤال 2 التمارين العامة

.
.
.

سؤال 4

عرفي المطلق عادي بعدين حطي التكعيب لل س

وعادي جدا الاشتقاق على قواعد الاشتقاق

.
.
.

سؤال 5

فكرته انك تعرفي الصحيح لحاله وتاخدي القاعدة اللي بتنطبق ع الفترة اللي معطيكي اياها

وتعرفي المطلق وتاخدي القاعدة السالبة لانه هي اللي معرفه على الفترى اللي معطيكي اياها

وبسس بعدين بتشوفي الاتصال على النهايات

والاشتقاق على القواعد طبعا


.
.
.

[× . جُـوْد . ×]

هيا المشكلة في الصحيح وفترته

لو يجي اختر وخلاص عادى على القاعدة اللي اخدناها

اسئلة المطلق حليتهم زي ما حكيتي بس كنت شاكة ما بعرفك يف طلع الحل معي


بس الصحيح فترته بنجيب قبل بخطوة وبعد بخطوة صح ؟
المشكلة من وين نجيب هالخطوة

بتزكر مرة كتبته انه حسب معامل سين على تنين بس مش متزكرة كيف


المهم تبع الصحيح احكيلي كيف نعرفه


وبس يعني الرياضيات بتسلم عليكم >>>

[ReLaX]

طيب احكي هيك من الاول

هلكتي اهلي وانا بكتب >> ينعن سميحة يا شيخة

اه فترة الصحيح يا ستي //

هو صح 1 / معامل س

بس مش بالاسئلة هادي لمن تكون س في معادلة وهيك بتعملي 1 / معامل س

بس هين طالب منك تشوفي الاشتقاق عندما س = 3/2 ,, 1

يعني في قيمتين لسين

عشان هيك

الفترة //

بتعوضي عن 3/2 في الصحيح شو صحيحها ؟ ؟ >> = 1 ماشي

فبتجيبي قبل ال س بخطوة وبعدها بخطوة بتطلع الفترة [ 0, 2 [


هيك حكتلنا الحجة تبعت الرياضيات

[× . جُـوْد . ×]

وازا جانا سؤال صحيح >> خمس علامات ؟
بالناقص ههههههههههه

لا ان شاء الله بنحله

فهمت عليكي

المشكلة كتبته قبل هيك بس ما بتزكر وين

وبراجع من الكتاب وبس
ما مسكت دفتري يعني

مش حقدر اركز مع بيكهام ولا مع الرياضيات ازا راجعت من الدفتر ههههههههههه


المهم بدي انام بدري اليوم واصحا ع الفجر

حتكون اول مرة بالعمر اصحا علشان خاطر امتحان

بدي اصحا علشان قد ما جبت ما ازعل لانى عارفة حالى ما قصرت ساعتها :d


يلا يا عمري ريلاكس ميرسي تعبتك معك

وينعن عبير يا شيخة

سيبي سميحة بحالها ههههههه

[ReLaX]

يالتوفيق يا عسل

والله وانا درست

بس برضو الامتحان هو اللي بيحكم

وانشاء الله خير


.
.

سلامات

[ReLaX]

^
^
^

ارجعنا من جديد

دريم // ما الي غيرك شوفيلي هالسؤال ناقص ولا لااء بمعطياته

سؤال أحياء هو . .

تزوج رجل لون عيونه عسلية مصاب بنزيف الدم والده ذو عيون زرقااء سليم من مرض نزف الدم بفتاة ذات عيون عسلية والدها ذو عيون زرقااء ومصاب بنزف الدم ,, فأنجبا ابن ذكر ذو عيون زرقاء وغير مصاب بنزف الدم

.
.
.
>> السؤال سهل جدا جدا

بس لمن جيت احله وقفت عند الطراز الجيني للولية [ المرأة ]

مش متأكدة هي بتطلع // حاملة لنزف الدم ولا سليمة منه

أنا اعتبرتها حاملة

>> السؤال مش محدد هو هيك ناقص ولا بدو ايانا نستنتجها استنتاج ؟؟


ردي علي بسرعة اذا بتعرفي مش قادرة انتقل لسؤال تاني وهدا مش محدداه لساا


سلام

[× . جُـوْد . ×]

طب استني مش طالعة معى

بدي احله على ورقة خاررجية وبرجعلك


بس شكله هيك احنا نستنتج الطراز الجيني لحالنا


.
.

لكن هاد السؤال من عنا ولا خارجي ؟؟



بي رايت باك

[× . جُـوْد . ×]

بدون الورقة

حتى شككتيني بحالي



هلقيت نحلل السؤال كله


الرجل عيون زرقاء ومصاب
وخلينا بس على قصة الاصابة >> بيكون XhY ..

المرأة ابوها مصاب .. يعني ابوها حيكون XhY وهيا بتاخد من ابوها الـ X
يبقى هاى اخدت X وحدة وعليها جين الاصابة

يعني لهلقيت هيا حاملة


جابت ولد مش مصاب
يعني هالولد حيكون طرازه الجيني XHY
وبياخد من امه الـ x ومن ابوه الـ y

يعني من الاول طلعنا امه عندها جين مصاب من أبوها Xh ومدام ابنها اخد منها X ما عليه جين الاصابة يبقى هاى عندها XH


ومن الاخر الام طرازها الجيني بيطلع XHXh



.
..


امبارح بالليل راجعت الاحياء حسيت حالى لطخة ع الاخر


بس دايما انتى بترفعيلي معنوياتي بحس حالى انه ممكن يطلع منى :p


هيك بظن الحل صح وبعدين بنعمل التزاوج والاحتمالات وعادى



سلامونات

[ReLaX]

ومن الاخر الام طرازها الجيني بيطلع XHXh

>> تماام انا هيك حللتها برضو . . كتيير منيح

وانا معك والله بحس حالي فااهم

>> يا خوفي نطلع احنا التنينين مش فاهمين بالنهااية بس لااء هي هيك
السؤال كتير سهل وعجبني طريقة استنتاجه
.
.
.

طيب خدي عندك هااد سهل جداا برضو //

تم التهجين بين ملكة نحل صفراء اللون وذكر أسود اللون ,, ما لون الأفراد الناتجة عند فقس البيض علماً

بأن الأسود B سائد ؟؟

هنا الملكة راح تكون bb ,, والذكر ؟؟

بيكون هجين ولا نقي

>> بس ما يكون السؤال على موضوع تااني

بستنى . .

[× . جُـوْد . ×]

نحل ؟؟


ما اخدناش عن النحل قبل هيك مع المعلمة


ههههههههههههههههههههههههههههه


ولك انا خايفة بالاخير يطلع زي ما بتحكي احنا التنتين غلط .. بس هاد تحليل منطقي يعني للسؤال اللي قبل


امااا بالنسبة للنحل اللي بتحكي عنه



>>

من وين جايباه هاد السؤال ولي ؟؟ انا هلقيت تأملت فيه لسه

يعني جد سؤال غبي ..

هو السؤال مش عن موضوع التاني

السؤال اصلا فيه بنود ناقصة ومش موجودة


يعني مش معطينا غير معلومة وحدة واللي هيا انه الملكة bb

طيب ع الاقل المفروض يا اما يعطينا نسبة الافراد الناتجة او اى مواصفات للذكر



ريلاكس >> كنسلي ع الموضوع هاد السؤال ما بينحل

[ReLaX]

ينعن قرفك ولي

>> ساقطة رسمي ؟,, كنسلي ع الموضوع ما هي رنة والسلام اكنسللها >> صحيح بترني علي حضرتك بدرس الفيزيا

خليتي الاستاذ يحكيلي اخرسيه اريح هيك . .

.
.

.
.

نرجع للسؤال //

اساسا هو مش معطينا الطراز الجيني للملكة انا كتبتلك ايااه على اساس حلي

وكنت بسأل اذا الذكر المتنيل ع حاله نقي ولا هجين حيكون

لانه بكلا الحالتين هو اسود يعني الفرق بالطراز الجيني . . مش عارفة بتذكر الآنتي حكت عنه زماان
نحط شرطة بدل الجين التاني ونطلع النتايج بعدين نشووف

بس اظن بهاديك الحاله بنكون عارفين الولاد >> وهان مش عارفين اشي

.
.
.

هادي الاسئلة كلها خارجية جبتها من كراسة لقيتها بين هالكتب . .

عارفة بدي احله ع الحالتين لمن مرة يكون هجين ومرة يكون نقي ومش خسرانة اشي

.
.

.
.

يلا كمان شوي برجعلك بكماان سعال ضايل 10 اسئلة وافتك من هالمادة

سلام مؤقت يا حجتي

[× . جُـوْد . ×]

طيب منا عارفة انه مش مدينا طراز الملكة

مدامها صفرا يبقى متنحية يبقى اكيد حتكون bb

طريقة الشرطات هديك لما يكون عنا معلوم افراد الجيل الاول


يعني زي ما بقلك السؤال ما بينحل

الا ازا بدك تحليه بالطريقتين ومش حتكونى جبتي اشي من دار ابوكي ساعتها



.
.


امااا بالنسبة لحصة الفيزيا هههههههههههههه
اجيتي ببالي يا عمري قلت ارن عليكي
كنت لسه صاحية من النوم
بتاخدوا حصص على هالصبح انتو


هاتى اسئلة اشوف خليني استفيد بقعدتى على النت


سلامي

[ReLaX]

>>> خديلك هالسؤاال

ألز سؤال بكل الاسئلة اللي حليتها عنجد رهيب وما مر علينا زيوو

بس أخدنا الموضوع

أنا حليته بس بدي أشوفك كيف وكيف درااستك //

في احد انواع الثديات الصغيرة تم التهجين بين ذكر أخضر اللون وانثى زرقاء اللون

فكان الناتج كما يلي //

25% ذكور زرقاء

25% ذكور سوداء

25% اناث خضراء

25% اناث خضراء مزرقة

فسري ما حدث على أسس وراثية !؟

.
.
.
>> كيف السؤال حلوو وسهل

حليه واحكيلي الفكرة بس طيب لاني حليته انا

[شمعة فلسطين]

يسلموووووووو
فكرتك حلوة ايلول
وان شاء الله بنستفيد من معلومات وحبيت احكيلكم
انى بتوجيهى وان شاء الله بشوف حاجة حلوة
منكم
تحياتى لكم

[× . جُـوْد . ×]

ريلاكس

معنديش ادنى فكرة كيف بينحل السؤال ولا جربت احله


بس شكله عن تفاعل الجينات


احكيلي يلا

اول مرة اشوف نسبة 1 : 1 : 1 : 1 >>

[× . جُـوْد . ×]

تقريبا بيصير تفاعل جينات وبيطلعلنا السوداء
وبيصير عنا سيادة غير تامة وبيطلع فيها المزرقة هاى
صفة وسطية يعني

والفصتين التانيات هما صفات الاباء
صح ؟

[ReLaX]

تفاعل جيناات مين >> ولا بعرفه هدا الدرس . .انسي

>> أنا حليته السؤال هدا علة موضوع الأليلات المتعددة زي موضوع فصائل الدم

وزبط معي تماام بس كماان بتعتبريه صفات مرتبطة بالجنس

يعني حتستخدمي x, y >> هي اللي بيخليه مش تفااعل جيناات

استخدمي الرمووز // Ig >> أصفر

IB >> للأزرق

i >> للأسود

IgIB >> اخضر مزرق

زي فصائل الدم تمااما

حليه واحكيلي زبط معك ولا لااء

.

.


.


.


في سؤال غلبني بجد مش عارفة كيف

حااسة فيه غلط شوفيلي ايااه //

عند تهجين ذكر ماعز ذو أذن طويلة مع أنثى ذات أذن قصيرة كان الناتج كما يلي //
الذكور بالأول //

3/4 أذن طويلة

1/4 أذن قصيرة

الإناث //

1/4 أذن طويلة

3/4 أذن قصيرة

>> ما نوع الوراثة ,, فسري ما حدث على أسس وراثية ؟ !


.
.

بجد حاولي تشووفيه كيف مش زابطة معي النسب نهاائي

[× . جُـوْد . ×]

اوكى ما تستني منى الحل هلقيت

تشاءمت من بعد اخر سؤال كتبتيه


بدي اكتب اخر سؤالين على الدفتر وبرجعلك ازا حليتهم
مش رح اجرب هلقيت


سلامي

[× . جُـوْد . ×]

ينننعن

طيب على اي اسااااااس انتى تحليه بهالشكل

ليش Ig .. IB

وبالاخر i

الاليلات المتعددة هاى ما بتقدري تعمليها على كيفك

لازم يكون عندك معلومة سابقة انه هالصفة فيها اليلات متعددة

حلك ما اقنعنى

[ReLaX]

طيب احكي من الأول . .

كنت بستنى فيكي تشوفيلي الاخير

بعدين شو يا حبي تتشائمي ما في تشااؤم بالموضوع

هادي مجرد افكار نعرفها هلحين احسن

بعدين هدا حلي انا >> يعني في احتماال كمان يكون في خطأ

>> حبي ما تتشائمي الله يرضى عليكي

وحاولي بالسؤال الاخير

.
.
بدي اروح اكمل
سلامي

[امير الحب]

لا حل دريم صح كمان تروح اروح اراجع اتاكد اكتر تحياتي

[ReLaX]

بدك تتناقشي بالسؤال يعني //

اول اشي بالأول حكالك ثدياات والنتيجة قسملي أفراد ذكور وإنااث . . >> من هاان انسي تفاعل الجيناات

مستحيل يكوون . . هادي متفقين عليها صح . .

النقطة التانية والاهم موضوع تعدد الاليلات // لو شفتي بالافرااد الناتجة طلع معك انثى خضراء مزرقة صح

هادي من وين طلعت === >> طبيعي اجتمعو اليلين والتنين بيسودو سيادة تامة

يعني في اشي اسمه سيادة مشتركة صاارت . .والسيادة المشتركة بتسير بالاليلات المتعددة

وعندك اللون الأسود من وين طلع >> مع العلم الاسود ما بيطلع من اجتمااع اخضر وازرق صحيح

بيكون موضوع الاسود زي فصيلة الدم O >> من هان االانثى الزرقاء بتكون XIB Xi . . .

والذكر بيكون // XIg y

هاي حسب اللي انا فرضته

وجربي اعمليهم وشوفي النتيجة راح تلاقيها زي اللي اعطانا اياا بالسؤاال .


^
^
^

بتمنى اكون اقنعتك وفهمتي علي

>> فالرموز انا فرضتها من عندي

[ReLaX]

أمير الحب // اذا بتعرف جااوب

واذا ما بتعرف ومش متاكد من حل

يا ريت ما تخربطلنا الدنيا

أوكي عمو

.
.

ومشكوور لمرورك اخي جنرال

[امير الحب]

اوكي يا ستي بس الي رجعة اما اراجع اوكي يا حجة انا امير مو جنرال راح ارجع باسم جنرال لانه هاذ اسمي كتير انتي عارفة كنت فيه منتدي احلي درس تاعكه تحياتي

[× . جُـوْد . ×]

حبي ريلاكس

سيبيكي >>



المهم انا شايفة انه حلك صح بس خلاص عندى الاليلات المتعددة ضلت مرتبطة بالفصائل تعت الدم >>


حلك صحيح وهلقيت اقنعتيني اكتر



المهم انا هلقيت قاعدة بحاول بالسؤال اللي كتبتيه تاع الماعز


اهد حتكون صفات متأثرة بالجنس

زي صفة الصلع عند الانسان

هاد الشي اللي انا متأكدة منه

رح تكون الصفة سائدة عن الذكور ومتنحية عن الاناث بس لهلقيت ما جربت انو وحدة فيهم


بس من المعطيات >>

عندك الأذن الطويلة سائدة عند الذكور ومتنحية عند الاناث


وخلينا نرمزلها برمز r


حليه
وراجعالك بعد ما اجرب احل فيه


بس عندى قناعة انه بينحل على اساس صفات متأثرة بالجنس


سلاموت


وبالنسبة للسؤال الاول اها صحيح حلك هلقيت اقتنعت

[× . جُـوْد . ×]

i’m Back


>>>

حليته ريلاكس >>

اول اشي زي ما حكيتله هو بينحل على اسا صفات مرتبطة بالجنس

وبنحكي هان ..

صفة الطول >> R سائدة عند الذكورة ،، RR او Rr
ومتنحية عند الاناث ،، RR


وصفة القصر >> r متنحية عند الذكور rr
وسائدة عند الاناث rr أو Rr


وهان بنعمل التزاوج وبنحط شرطات زي النظام اللي اخدناه وبنعدين بنكمل


بنحط الحرف الكابتال وبعديه شرطة للانثى
والشرطة وبعديها السمول للذكر


وهييييك بينحل السؤال وطلع معى بالاخر انه الابوين الاتنين بيطلع طرازهم الجيني Rr




وجربي حليه وارجعي احكيلي شو طلع معك


والله انجاز


سلام

[× . جُـوْد . ×]

شو غربة ما حليتي السؤال ؟؟


المهم

راجعتوا ادارة ؟؟

امتى الاستاز حدد الامتحان

ما راجعتله غير الدرس الاول والله يسترر


بس لازم اراجع بالليل


وزكرونى بالله يا بنات لوين احنا وصلنا بكل مادة :$

[ReLaX]

هههههههه

ما حليت السؤال التهيت مبارح بأخوي . .

سبتها الاحياء ضايل 3 اسئلة غير هادا اللي حلتيه انتي بكرا بنشوفهم مع بعض بس فهمت فكرهم انا

.
.
.

والاداارة ما حدد امتحاان الاخ بس بكرا بدو يرااجعلنا الوحدة الاولي

ضايل علي فيها الدرس الاخير . .

.
.
.

ووين وصلنا فيها . .! مش زاكرة منيح بس تقريبا اخر اشي حكينا عنه السوق مش عارفة يمكن اخر الوحدة التانية

.
.
.

شو لقيتي بالاحياء مشاكل مبارح ؟!

[× . جُـوْد . ×]

ما راجعت احياء امبارح

نمت على طول ما راجعت اشي


واليوم قال ابويا قعد يشرحلي ادارة

وانا فاهماها كلها بس قلت اريح

ابويا قاعد بيشرح وانا قاعدة جمبيه شوية العب بشعري شوية باظافيري

وهو ممتعب حاله

بس بيي وبينك والله استوعبت

قعدنا اكتر من نص ساعة بنراجع بالدرس الاول

وعلى حطة ايدك قمنا اتغدينا وما فتحت الكتاب بعديها اجوا ناس والتهينا


ولهلقيت بس ع الدرس الاول


ما قلتيلي لوين واصلين احنا بباقي المواد

الانجليزي بخبر كان هلقيت ما بعرف عنه اشي
والكييميا لوين وصلنا ؟
والرياضيااااات


يا خرابي

[ReLaX]

الانجليزي ما بعرف اشي >> من اول السنة والكتاب بالشنطة . .

كيميا ما علينا بكرا بس خلصناا الفصل واظن حلينا كل اسئلة الوحدة . .

.
.
.

والرياضيات خلصنا درس القيم القصوى

.
.
.

يلا طيري . .

اذا مر عليكي سؤال هيك ولا هيك امانة نزليه وفرجيني ايااه طيب خصوصا بالاحيااء

[× . جُـوْد . ×]

مرررحبا يا معشر توجيهي

كيييفكم وشو اخباركم

كيفكم صبايا وكيف المعنويات من بعد امتحان الادارة امبارح والدواااام اليوم >> الله يسامح اللي كان السبب تبهدلنا بروحتنا عالمدرسة ع الفاضي

ع العموم بس حابة ارفع معنوياتكم واحكيلكم انى حاسة انه الاستاز حيبطل يدرّس في مدارس بناااات تاني
من بعد العلامات طبعا >> عااااااااااااااااااااااااااااااادى




المهم انا داخلة الموضوع علشان شغلتين

اولااااا يا ست يلي اسمك غربة الله يحيي الصادق >> مش هيك بيحكوا

على اساااس انه كان المفروض تجيبي اسئلة خارجية اصورها

بس " نزالة " غير شكل


المهم ايلولتي وغربتي اناااا قررت اصير اهتم بالاسئلة الخارجية
علشان هيك
بدي اسئلة رياضيات .. واسئلة كيميااا .. واسئلة فيزيا " على وحدة الكهربا "
واحياااء ؟ لا بديش اسئلة احياء بس ازا عندكم الدوسية اللي مع المعلمة هاى ومع نص الصف هاتوها

بدي اعمل حملة تصوير :$
اللي بيعرف مكتبة بتصور برخيص احكوولنا


وبس هيك يا بنات ما بدي شي تاني ميرسي مقدما

بس بجد لازميني كتير قبل ما يخلص الدوام بالمدرسة ..





اماااا الشغةل التانية .. بالنسبة لعمو حلم يندثر
ما بعرف بالزبط شو انزللك بالاحياء
والحمد لله تلخيصات معنديش
بس انت هات اسئلة واكتبها هان واحنا بنحلها وبنوضحها كلنا
او ازا فيه شغلة بدك ياها بشكل خاص يعني اكتبها هان برضه



وبس

منورين يا توجيهيين

[× . جُـوْد . ×]

اااه صح يا بنات

ازا عندكم الدوسية تعت الاستاز يحيى هاتووها كمان
هاى اهم شي
فيها اسئلة هبلة بشكلللللل ..

بس بدي ياها احسن من بلاش

[~ ζـلَمٍ ينَـدُثـْرٍ ..]

فكرتك نسيتينا

اوووووووووووووك
انا لسة ما بديت بالوحدة التالتة لمن ابدا حعمل هيك انا فى التانية يعنى الاسبوع الجاى بنجيب اسئلة
تسلمى عالاهتمام اخت دريم
ربنا يوفقك ونتبشر بعلماتنا يارب

[× . جُـوْد . ×]

اوكى

نبالك بحالك ع الاقل بتراجع

انا مأجلة المراجعة لما تبدا الاجازة >> مش عارفة اركز من المدرسة الواحد لازم يكون فاضي علشان يراجع

ع العموم احنا بالخدمة وبنستنى اسئلتك خلال الاسبوع الجاى

بعد هيك مش اكيدة انى رح اكون موجودة يعني من هنا لاخر الدوام وبس وبعدها مش رح افوت المنتدى تانى الا لما اراجع واخلص


سلامز

[Léon]

مرحبـــــــــــــــــــــــااااااااااااااااااااااا اااا



جبتلكم شرح واسئله على حلقه كالفن
في الاحيـــــــــــــــــاء




http://rapidshare.com/files/176906291/__1581___1604___1602___1577____1603___1575___1604_ __1601___1606_.doc.html

[AYLOL <--]

حلقة كااالفن ممتاز ...

بدي للوحدة هاد شغلات كثيير


لانو مستغلساها من اولها ..

:
:


شو في اشي محتاجينو ... احاول اجيبو ..

[Léon]

انا الوحده هاد مش عارف شو الدروس الي فيها نهائيا
كل يوم كنت اقرف الاستاذ معي واطلع من الصف
وما طلعت منها باي معلومة
ازا في اشي عندكم هاتوهيا جمعة

[× . جُـوْد . ×]

احنا اصلا هاى الوحدة ما اخدنا فيه غير عشر صفحات على بعض
يعني وصلنا للتنفس الخلوي وما كملناه حتى وبدت هالاوضاع وشكلنا مش حنكمله في هالفصل الاول


انتو شكلكم ماخدين الوحدة ومخلصينها

يبقى انتو اللي المفروض تجيبولنا اشي عن هالوحدة :d

وحسب ما بزكر غربة جابتلي دوسية كاملة عن هالوحدة

بس مش محلولة يعني مش حتنفعكم خخخخخ


بس بجد ازا عندكم يا شباب تلخيصات بهالوحدة هاتوه

احنا بكتيرها بنجيب اسئلة يعني مش اكتر من هيك

[AYLOL <--]

:

:


اسمعو اذا في اشي بيفيد في الورق الي جابتو غربة .. رح اخذو .. وادخلو سكنر .. ونزلوا بالمنتدى

:
:

تاني اشي .. انا عندي اقتراح ..


بما انو صرنا كتاار ما شاء الله بالمنتدى توجيهي علمي ..


وبما انو هالفترة قاعدين في الدور فش مدااارس ..

وضروري المرااجعة ..


فشو رايكو .. نزبط كلنا مع بعض .. جدول مبدئي للمراااجعة ..

وكل يوم نتفق شو نراااجع تاااني يوم ..

وتاني يوم ..يدخل كل عضو لما يخلص .. ويحط الاسئلة الي مش عارفاها .. او النقاط الي مش فاااهمها ..


والي فااهم .. يفهم العضو هاد .. عن طريق هاد الموضوع ..


شو رايكو بالفكرة ..

يمكن نقدر نشجع بعض للدراسة ..


:
:

[× . جُـوْد . ×]

اه والله لانه تسدقي انه من اول ما قعدنا بالبيت ماخلصت غير اربع دروووس من اخر وحدة بالرياضيات

ولولا غربة يومها كنت بحكي معها عالايميل وحكتلى ع العشرة بدنا نقوم ندرس رياضيات وكل ما نخلص درس نرن لبعض

كان ما درست

ومن بعدهااا ما فتحت كتاب

فيااااريت بجد تنفزوا هالاقتراح

لانه ما بينفع معي غير هيك

الله وكيلك كل ما احكي بدي ادرس يضربوا صاروخ من جمبينا وامى تصير تطلع وتنزل وتخلينا نجهز حالنا علشان نطلع في اى وقت ازا صار اشي


يعني وضع وجو مش جو دراااسة خالص


المهم برمت كتير

بدي اروح اعمل شاي ويلاااا بنستنا بموافقة الباقيين علشان نبدا نحط جدول
من هان لعشر ايام بنكون خلصنا المنهج خخخخ

[AYLOL <--]

هلقيت ببعت لكل .. رابط الموضوع ..

علشان اول ما يدخلو .. يشفوه


:
:

[ReLaX]

شو في ؟!

و بدكو تعملوو بالزبط

وشو اللي بدكو ايااه . .

.
.
.

ااه يا بنات هيني بالسلامة هلحين خلصت الوحدة التانية بالكيمياا . .

مش طلعت مش فااهمة فيها اشي من قبل . . وانا بفكرها منيحة معي

بس الحمد لله فهمتهاا كويس وحليت عليها اسئلة حلوة وهيني بدي اكمل

>> اول انجاز من اول القعدة هاد

[ЯàMσşŤà]

والله يا ست أنت واياها اذا أنتوا فاضيين تقعدوا وتقروا انا من ناحييتي مش فاتضي أقرى طول نهاري في الشارع بأتفرج على القصف هين وهين بعدين انا مش مهيأ لأني أقرى اقروا أنتوا بأدعيلكم بالتوفيق......
أنا ومستر لفر وايرون مان كنا عاملين برنامج قبل القصف بيوم وقلنا بدنا نمشي علي بس الوضع ما ساعدش........
الله بيعين؟؟؟؟

[Léon]

يللا يا بنات

وين الجدول الي بدكم تعملوه

بسرعه

ممكن اعرف ادرس بتشجيع البنات الي

وبالنسبة للدوسيه ازا في امكانيه تعمليها

وكمان لازم نحكي للادارة تعمل قسم خاص للمواد التعليميه احسن من الموضوع الي مش مبين بالمرة

وان شاء الله بتمر هالسنه على خير

[~ ζـلَمٍ ينَـدُثـْرٍ ..]

انا طبعا حاولت امسك الكتاب بس مش قااااااادر نهائى

بنترقب الاجتياح البرى


اعذرونى ماخد اجازة
بدعيلكو

[× . جُـوْد . ×]

شوو هالاحباط هاد يا شباب

ما في بعد Mr Lover

ولا هى حجة وبس وبتحججوا بالوضع

وبدكم الصراحة والله انى مش عارفة ادرس من الوضع اللي عنا

بس يعني لما يكون فيه حدا مشجعك بيختلف الوضع بتلاقي فيه شوية حافز



المهم ابن خالتى بتانية ثانوي حكالى انه تلفزيون الاقصى حكا انهم لغوا امتحانات الفصل الاول في مدارس الحكومة والدوام الرسمي بـ 17/1 ازا استقر الوضع من هان لـ 17



مش قلتلك يا غربة لو معلمة الرياضيات صفت نيتها كان اخدنا الامتحان خخخخخخخ

المهم يلا انا حاسة ساعتنا قربت وامبارح قصفوا عنا وشكلها الليلة ليلتنا علشان هيك جهزوا الجدول من هلقيت

[همس الحنان]

مرحبا
سامعة طراطيش كلام عن جداول

ازا في جوائز وتحد ممكن اشارك معكو

بس يكون الجدول للادبي

بلغونا كل ما جد لديكم

[Léon]

ادبي مين

ازا ادبي خليني اطفش على البدري

قبل ما تدمروني فوق ما انا مدمر

لانه انا على وشك الانهبال من المدرسه والمنهاج

[ReLaX]

أميرة . . اذا حابة تشااركي معنا بالجدوول شاركي بس حرة اذا بتغيري الموااد

الغالبية هان علمي يا حبي . . بس برضو اهلا وسهلا بيكي

.
.
.

مستر وين تطفش يا عم . .

حتدرسوو يعني حتدرسوو . . حتنجحوا بالعاافية . .

عمتو ايلوول شاطرة بالجدااول . . هلحين 5 دقاايق بتكون مجهزاالنا جدول مرتب نمشي عليه

بس اللي ما بيلتزم يا ويله . . >> حعمل عليكو الابلة ظاظا

.
.

انا حكيتلكو خلص الوحدة التاانية بالكيميا

وعندي شوية اسئلة فيهاا . . اذا في حداا مراجعها يحكي عشان اسأل . .

واذا عندكم اي شي هاتووه . .

بستنى الجدول معكوو

[AYLOL <--]

اها ..


ع فكرة خوفتني يا رموستا ..

وبعدين هي مستر لفر بدو يقرا معنا ..


:
:

بالنسة للمدراس فهي .. حسب ما نشر على قناة حكومة المبجلة .. انو في 16 .. يعني اكلت هوا


:
:

بالنسبة للقسم يا مستر .. بنشوف الادارة فيه اليوم ..


:
:


بالنسبة للجدول .. شو اقترااحتكو ..

انا بقول كل يوم نتفق ايش بدنا نقرا تاني يوم .. احسن ..



:
:

وانا رااي بكرا نبدا كيميا .. من الاول .. ( يعني الوحدة الاولى والتانية )


ايش رايكو ..

[همس الحنان]

مالكو علية

خلص انا الحكم

بشوف مين الشاطر الي يخلص بالاول
اما انا بعملي جدول بلكي ادرس
مشكورين ع جهودكم

[ReLaX]

حلوو الوحدة الأولى . . مااشي بالنسبة اللي

اما التانية قرفت حالي وانا بحكي خلصتهاا

.
.
.

انا موافقة . .

نشوف البااقي

[~ ζـلَمٍ ينَـدُثـْرٍ ..]

غربة بتقدرى تسالى اى سؤال بالوحدة التانية بالكيميا انا جاااااااهز لاى سؤال فيها

مخلصها تمام

انا مشاركو

بس ابدو احياء يعنى افضل
شو رئيكو
ساندونى

[AYLOL <--]

اها .. انا معنديش مشكلة بالنسبة للاحياء ..


طيب اسمع ..

شو رايكو .. نعمل الواحدة الاولى كيميا ... والاولى احياء ..



وين ايرون مان ..

[~ ζـلَمٍ ينَـدُثـْرٍ ..]

امممممممممممم اوك انا بقول
نبدا بالاول بالاحياء والادارة والدين والعربى

لانهم هما المواد الحفظ الباقى كلو سهل

هما هدول العقدة

نعمل الهم الجدول هلقيت وبعدها بنكمل الباقى

تسلمى ايلول

[TẖƷ GhʘƨṮ ♠]

يا خونة في رز في القعدة ومحدش يحكي
اوكي شو الجدول يا يولد الابصيري

[TẖƷ GhʘƨṮ ♠]

شو الجول يا بنات ممدوح

[AYLOL <--]

الجول ... اني هلطم


التفقنا .. انو كل يوم نحدد شو هنقرا بكرا ..

واليوم حددنا .. انو احياء الوحدة الاولى .. وكيميا الوحدة الاولى ..


:
:

معلش ايرون .. الله بيعينك افتح الصفحة الي قبل
وشوف شو كنا بناكل

قصدي بنقرا

[TẖƷ GhʘƨṮ ♠]

اولا غربة ما تزعلي مني بالنسبة للرسالة هده كانت
نكشة انا عارف انك مش هتزعلي لانك
زي اخوتي، اوكـــــــــــ

[TẖƷ GhʘƨṮ ♠]

ايلول اسمعي شو بدنا نقرأ بكرة
انا عندي موقع للا متحانات اسمو
منتدي الاوس وانا شاء الله بشوف واحد جديد عما قريب

[ReLaX]

درستوو يا اخواان . .

عندي احسااس انه ما حدا فتح كتااب . .

.
.
.


الله يوفق الجميع . . بس عندي كم سؤال بالكيميا بتقدرووا تجااوبوا ولا لااء

اذا ااه احكو . . عشان انزلهم . .

.
.

[Léon]

اولا :
مبرك الافتتاح
وباشكر الادارة على تلبيه طلبنا


وتانيا :
يا ايرون
مش انا الي حكيتله عنه هاد الموقع
تحسسنيش
عامل حالك بتفهم يعني


طيب شو قررتوا بالضبط تقروا اليوم

لانه ما في معي فرصه الا بالليل انا اليوم


ردوا عليه بسرعه

اوك

سي يو

[~ ζـلَمٍ ينَـدُثـْرٍ ..]

هاتيهم بس بسرعة علشان بدى اطلع

الكيميا تمام بس حطى

[ReLaX]

a 28

g17

e 9

j 19

d 10

>> السؤال //

أي الأيونين j+ ,,, g - حجمه أكبر ؟؟

.
.
.
.

العنصر r يقع بالمجموعة vi b والدورة // 4

السؤال // ما عدد الالكترونات المنفردة في الأيون r+3 ؟؟


>> الأسئلة الها إجابات معي .. بالأول . . بس حاسة انهم غلط

ولمن حليتهم طلع اشي تاني . . بدي اشوف شو عندكم . .

[ReLaX]

a 28

g17

e 9

j 19

d 10

>> السؤال //

أي الأيونين j+ ,,, g - حجمه أكبر ؟؟

.
.
.
.

العنصر r يقع بالمجموعة vi b والدورة // 4

السؤال // ما عدد الالكترونات المنفردة في الأيون r+3 ؟؟


>> الأسئلة الها إجابات معي .. بالأول . . بس حاسة انهم غلط

ولمن حليتهم طلع اشي تاني . . بدي اشوف شو عندكم . .

[~ ζـلَمٍ ينَـدُثـْرٍ ..]

حجم 19j اكبر

[~ ζـلَمٍ ينَـدُثـْرٍ ..]

السؤال // ما عدد الالكترونات المنفردة في الأيون r+3 ؟؟

ممكن الكترونان مفردان

[× . جُـوْد . ×]

ياااااااااااا الله على هيك جو وهيك وضع

قال كنت ناوية ادرس الوحدتين اللي اتفقنا عليهم

مفيش تركيييز خااالص شو هاد


واليوم خصوصا صحيت على صوت انفجار حسبت الجامع وقع

ومن ساعتها والانفجارات والاصوات شغاالة وخصوصا عنا صوت فظيييع وكله مدفعيات


ياادوب درست نص وحدة الكيميا الاولى ومش عارفة ادرس خالص

لانه والحمد لله مع كل صوت انفجار لازم يطلع صوتي >> لسه ما اتأقلمنا عالوضع

وانا غرفتي هي اقرب غرفة للجامع يعني بدرس وانا ميتة خوف والله ومترقبة اى شي




اكيييد رح اكمل الوحدة الاولى >> وصلت بس لعند الميكانيك الكمي وما بديت فيهم

سهل الباقي بخلصه بسرعة



ونظرا للكهربا اللي مش مستقرة يا ريت المواد اللي تقرروا تدرسوها تكون حبة حبة علشان الحق معكم ههههههههه




المهم حلم يندثر >> وطبعا الحكي للكل
يا ريت لما تجاوبوا سؤال توضحوه كيف وليش طلع الحل هيك


زيادة المعرفة >>



ومن وسط الدمااار كانت معكم >> دريم :(

[~ ζـلَمٍ ينَـدُثـْرٍ ..]

بصراحة ما بعرف كيف الاسئلة مو واضحة واول مرة تمر علية (j+ ,,, g - )
ال j موجب ولا سالب

حطى الاجابات الموجودة عندك اوك ؟

[ReLaX]

سوري . . نزلت الأسئلة مباارح بسرعة . . فشكلي غلطت

السؤال الأول كاان // مين أكبر الأيون g- . . . ولاا j+ ؟؟

بحكي عن ايوناات هنا مش عنااصر . . انتبهولها . .اوك

والتااني صح السؤال

.
.
.

بس حلم اجاابتك للسؤال الثاني لا هي زي اللي طلع معي ولا زي اللي مجاوبة بالكتااب

.
.
.

بسس

[TẖƷ GhʘƨṮ ♠]

ولا السوال الاول طلع نفس الجواب
بس السوال التاني مش متاكد طلع غير الجواب بالمرة
انا لسة ما مسكت كتاب الكيمياء بس ان شاء الله
اليوم راجع ومعي الجواب ان شاء الله
اوكـــــــــ باي ـــــــــــ

[ReLaX]

شو يا جمااعة . . مصيبة اذا سؤال هيك بيوقفنا

شوفواا أنا الأول طلع معي // g- هو الأكبر

والتاني // الالكترونات المنفردة طلعت معي ( 3 ) . .

انا متأكدة من إجااباتي كتيير

>> ايلول حليهم اذا ممكن وشوفي شو بيطلع معك

.
.
.

[~ ζـلَمٍ ينَـدُثـْرٍ ..]

السؤال الأول كاان // مين أكبر الأيون g- . . . ولاا j+ ؟؟
ايوة هيك وضحى

يزداد الحجم بالايونات كلما زادت الشحنة السالبة ويقل كلما زادت الشحنة الموجبة

g- هو الأكبر

وهيك بقدر اوضح ومثال عهدا الكلام ( o-2 اكبر من f-1 اكبر من ne اكبر من na+1 ) وهكذا.....

هدا فى الايونات

[~ ζـلَمٍ ينَـدُثـْرٍ ..]

غربة لو ممكن تكتبى كيف طلع معك حل السؤال التانى يعنى التوضيح لحلك

[~ ζـلَمٍ ينَـدُثـْرٍ ..]

انا ممكن اقول اقول التوزيع بيطلع Ar18 .4s1. 3d5

شيل 3 اكترونات بيضل اتنين فى المستوى الاخير

انا اول مرة يمر علية سؤال بالايونات
وفرجينا حلك كيف

[~ ζـلَمٍ ينَـدُثـْرٍ ..]

السؤال الأول كاان // مين أكبر الأيون g- . . . ولاا j+ ؟؟
ايوة هيك وضحى

يزداد الحجم بالايونات كلما زادت الشحنة السالبة ويقل كلما زادت الشحنة الموجبة

g- هو الأكبر

وهيك بقدر اوضح ومثال عهدا الكلام ( o-2 اكبر من f-1 اكبر من ne اكبر من na+1 ) وهكذا.....

هدا فى الايونات



***السؤال الثانى .......

انا ممكن اقول اقول التوزيع بيطلع Ar18 .4s1. 3d5

شيل 3 اكترونات بيضل اتنين فى المستوى الاخير وواحد فى المستوى الى قبلو يعنى 3 الكترونات مفردة


***** هى حلى للسؤالين الاول متأكد منو تماما ...التانى شوفو كيف انتو

[ReLaX]

انا ممكن اقول اقول التوزيع بيطلع Ar18 .4s1. 3d5

>> صح التوزيع . .

هلحين بالعناصر الانتقاالية لمن تيجي تفقد الكترونات بتفقدها من المستوى s

لانه اقل طااقة

فرااح تفقد الواحد اللي بالـ s وكماان 2 من الـ d

بيضل بالــ d 3 الكتروناات منفردة

.
.
.

انا بالاول ما انتبهت بس لمن رجعت حليته تااني قبل ما انزله كماان مرة فهمت ليش كان يطلع معي غلط بالاول

..


..


وبسس

شكرا كتيير الك حلم على المتاابعة

ما في عندك ولا سؤاال ؟؟

[~ ζـلَمٍ ينَـدُثـْرٍ ..]

تقريبا هلقيت ما فى اى سؤال لانى بدرس احياء حاليا
وانتى عارفة الوضع كل يوم بخلص صفحة هههههههههههه

والله يائس عنجد

تسلمى غربة لمن احتاج اى سؤال هيك ولا هيك حلجأ الك علطول تقلقيش


تحياتى

[× . جُـوْد . ×]

اوف اوف اوف

روقها عمو رموستا

ليش هالتفكير السلبي يعني

ليش ماخدها من هالجانب واهمل شب وبنت وقصص هيك

لا يا عمو ازا هالقد زعلان على الموضوع >> ولا يهمك حطوا انتو " يا شباااب " جدول واحنا بنمشي عليه

هو اقتراح وبس يعني





وع الجهتين الوضع مش ممشي لانه ندرس .. بس هينا لما يكون فيه حدا بيشجعنا وماشي معنا وبنجاوب لبعض بيختلف الوضع


كله ولا زعلك عمو رموستا ^_^

[ЯàMσşŤà]

لا يا ستي مين بدك يمشي على الجدول ايرون مان ولا مستر الأتنين بييجوا يشكولي مش عارفين نقرى......
بس هم بيجاملوا فيكم مجاملة "اسالي خبير ولا تسألي طبيب"أنا عارفهم كتير
وبالنسبة للجدول مش فاضيله
أنا حطيت واحد قبل الأحداث بيوم وفرجيتوا لأيون مان بس وضعي مع وضع الاجتياح مش ماشي بس يخلص الوضع
انشاء الله بأفرجيكوا اياه..............

[ReLaX]

اسمعووا . .

شكلكوا مش تااعين درااسة نهاائي . .

عمو راموستا . . ما حداا عمل جدوول أساسا

وما حدا اقترح اصلا انه في بنات يحطوو جدااول

تقلبش الموضوع . . وخليكوا بنطااق الموضوع لو سمحتو مااشي

.
.
.

الموضوع هدا بس لنحط اسئلة نتنااقش فيهاا او نتنااقش بموضوع درااسي اوي اي شي بتعلق بالدرااسة

مااشي يا شبااب . .

ادرسوا منيح

وبالتوفيق . .

[ReLaX]

يا جمااعة عندي كم سؤال ريااضيات

بس قبل ما انزلهم

للسهولة في حداا عنده كتااب الاول بالرياضياات ؟

.
.
.

[× . جُـوْد . ×]

لا انا معنديش
بس عن اى وحدة بدك تنزليهم

[Léon]

هاتي نشوف الاسئله

يبمكن نعرف نحلهم
وازا ما عرفنا بنخلي حدا تاني يحلهم

اوك

[~ ζـلَمٍ ينَـدُثـْرٍ ..]

انا ما عندى بس ممكن نحلهم او نلاقى الحل بالورق تبع الاستاذ حماد صقر

اكيد حلاقى الاسئلة

قولى

جاهز

[ReLaX]

المشكله مش هيك . .

ما عندي وورد أكتب الاسئلة عليه . . عشاان يزبطو

وبنفس الوقت مش حقدر أصورلكو ايااهن بالجوال وانزلهن لانه مش معي

.
.
.

بس كنت بسأل اذا حدا عنده الاول لانه الاسئلة منه

[~ ζـلَمٍ ينَـدُثـْرٍ ..]

هههههههههههههههههههههههههههه

غربة صار لازم اقلكو شغلة

انا النت عندى نظام ساعات كل ساعة بقعدها بشيكل
والى ساعتين بستنى فيكى تنزلى والله نعستينى
بعينى الله

عدو اتصل فية الزلمة بدو الفلوس

اووووووووووووووف فش رواتب ..هلقيت بلاقى علية بالشهر 60 شيكل

[ReLaX]

ايش بدك يعني شيكل . .؟!

هههههههههههههه

شو اعمللك يعني الجهااز تفرمت ولا برناامج عدل ضاايل عليه

وهيني بحاول اجمع فيهن من أول

والاسئلة اللي زي الرياضيات ما بيزبطن الا على الووورد

>> بعدين تعملش حجة انك بتستنااني . . ههههههههه

سدقني انك سخنت على الشيكل الزياادة

.
.
.

ههههه ربك بيفرجها

خلص قوم بطلت انزل اسئلة

[× . جُـوْد . ×]

ياسلام انتى التانية

احكيها حكي خخخخ

يعني بدل ما تكتبي الرموز بالرياضيات اكتبي القراءة تعتها واحنا بنيجي هان بنترجمها ع الدفتر بالرموز مش بالكتابة

كيييف بس كيف هالاختراع هاد :$



المهم غربة بس علشان ما تحكي اشي >> انا واختى قعدنا عالجهاز التاني وللعلم بس قاعدين على الكرسي مع بعض خخخخخ

[TẖƷ GhʘƨṮ ♠]

غربة انا عندي سلاح الاول

[× . جُـوْد . ×]

اى لاءا عاد

زودتوووووووووها يلي بتفهموا


وبظن بكلامكم هيك تعديتوا على بنات المنتدى


ويا ايرون مان اوزن كلامك بقصة " بتااع بنات "

لانك هيك يتمس البنات قبل ما تمس اللي بتحكي عنه



وياريت اللي بيفكر يفوت هالمووضوع

يوزن كل كلمة قبل ما يحكيها




لانه صح بنات .. بس بنات بنقدر نمشي الدنيا كلها على خط واحد

وهيك الكلام انتها

ويا ريت من بعد هالرد ينتهى جد الكلام

مسخرة بدناش .. والمووضوع كان ماشي وما احلاه بدونكم


بدكم تتصافوا اتصافوا برا



ونقطة . .

[TẖƷ GhʘƨṮ ♠]

شو هو السوال لو سمحت

[TẖƷ GhʘƨṮ ♠]

غربة شو هو السوال انا عندي الاول

[MeshtaG]

شباب وصبايا

انا عملت القسم علشان يصير لطلاب

مش علشان الواحد يجي هنا بفتح قصة حياته

حبايبي ياريت كل واحد قبل ما بحكي ياريت يعرف وين بحكي ولحد وين

اوكي


الادارة العامة للمنتدي

ديم هادي كلام وطلع

الشباب ياريت الكل بحترم حاله

لانة البنات الي هنآ زي اخت اكتر

[TẖƷ GhʘƨṮ ♠]

شو ما بدك تقول شو هو السوال

[TẖƷ GhʘƨṮ ♠]

طب يا اخي في حد قال كلام غير هيك

[ReLaX]

خلص . . . >> رووقوا

.
.
.
السؤال صفحة 140

سؤال // 5

وكمان سؤال // 9

اذا بتعرف تحلهم حلهم واحكيلنا كيف


سلام

[ReLaX]

خلص . . . >> رووقوا

.
.
.
السؤال صفحة 140

سؤال // 5

وكمان سؤال // 9

اذا بتعرف تحلهم حلهم واحكيلنا كيف


سلام

[ЯàMσşŤà]

انشاء الله بأشوف الك الحل وبأجيبلك اياه ...........

[ЯàMσşŤà]

جبتلكم عرض فلاش على الكمبيوتر لوحدة شبكات الحاسوب
بس انتظروني لحد ما أرفعه.........

[× . جُـوْد . ×]

اوكى يعطيييكم الف عافية جميعا

^_^


بظن عندى ايلول وغربة بيوفوا وبيكفوا بكل شي

علشان هيك بطل الي لازمة انى افوت الموضوع



احترامى للجميع ^_^

وعلى رأسهم الادارة العامة

وبس كلمة يا اخ حامل الجراح . . ازا بدك تحكي كلام وطلع . يبقى هاد مش حكي ادارة واسمحلي ^_^

[ЯàMσşŤà]

أنا جبتلكم اللي وعدتكم في
هي الرابط
http://rapidshare.com/files/180071263/elearning_4911e345af3c9.exe.html

[~ ζـلَمٍ ينَـدُثـْرٍ ..]

دريم مش مستاهلة تستغنى عنا

اعتبري شى وصار ونبدا من جديد اوك ؟


تسلم رموستا على ابداعك

[AYLOL <--]

<< يا جماااعة .. الي انحذفلوا اشي ..بعتقد عرف ليش انحذف ..


<<< حلم يندثر بجد يعطيك العافية .. جهودك بالموضوع حلوة ..


<< غربة .. رح ارجع اجاوب ..واشوف الاسئلة كلها ..
<< دريم انتي الاساس بالموضوع ..وبفكرة الجدول بالنسبة الي ..وجودك مهم .. بالنسبة الي وللكل


<< رموستا الرااابط فتح عندي ..بس لايش بالزبط ..


:
:

ياريت نكمل زي الاول ..
والي بدوش الجدول .. ع راااحتو


احترامي

[~ ζـلَمٍ ينَـدُثـْرٍ ..]

بصراحة ما بنستغنى عن ايلول وغربة ودريم بهالموضوع

هما الاساس هون

ايلول تسلمى دايما قيادتك حكيمة

الرابط هدا لوحدة تكنولوجيا
حلو كتير الفلاش والنظام تاع الوحدة
تحياتى تحياتى

[AYLOL <--]

هرجع اشوف الرااابط تاني ..

[حكاية]

ايش الحكاية ايش القصة


بدنا نضل رجعين بأفكرنا طول العمر

اتقدموا شوي

واعقلوا اكتر خاصة الشباب

وكل وقت الوا الي يناسبوا

يعني ما بدها زيادة لك وحكي

الموضوع هادا للنقاش في الدراسة اوكي

ما بينفتح شات أو انوا اي حدا يتطاول على اي عضو
وهادا ما بنسمح فيه

وخلي كل واحد يوزن كلاموا قبل ما يكتبوا
اوكي
وكل واحد عارف شو كتب و الموضوع اصبح تحت المراقبة

مني شخصياً


و التحية خير ختام

[ЯàMσşŤà]

أيلول الرابط مجرب وجربته هيه شغال...
واحنا مش حنقدر نستغني عنك يا دريم.. خليكي

[AYLOL <--]

يا بنات ايش عملتو .. في المرااجعة

وبعدين النصوص .. نفسي ارااجعها بس مش عاارفة كيف بيمسكوا كتابها ..؟؟

[ReLaX]

بيمسكوو كيف ؟ بالشوكة والسكين . .

.
.
.

اسمعي بس بدي أحكيلك شغلة تلتزميش معي بالمرااجعة خلينا نرجع كل واحدة برااسها

.
.

سلام

[AYLOL <--]

ومين قال الك انتي ملتزمة فيكي ..

انا بدي ارااجع نصوص .. لانو لاازم


بس بعرفش كيف .. هي المشكلة ..

[حكاية]

والله انكم شاطرات وعم بتراجعوا
صحيح انكم طالبات علم
انا من ناحيتي ولا بعرف شي
حتي لو كنت حافظة شي من قبل مع الحرب ما بعتقد بقى شي
حدا يعديني

[مـزآج]

ياااااااااااا جماعة انا حبيت افيدكوا في عنا استاز الله يرضا عنو طول فترة الحرب وهو يشتغل (لغة عربية ) فعمل ملخصات لكل الدروس كل درس بدرسوا لحد ما وصلنا تقريبا وما اعتقد انو في مدارس فايتانا المهم وهو الان بدوا ينزلهم على الكمبيوتر بالمدرسة وانا ان شاء الله من اول ما احصل عليهم باديكو اياهم انا موجودات عندي ورق بس بدي اخدهم على شكل برنامج ورد قد لك شدواااااا حالكو ..

[مـزآج]

لحقوا رابط تحميل كتاب عميد الفيزيا بصراحة مرعب حلو كثير واسئلتو الخارجية فكرها لزيزة الكتاب نزل للفصل الاول على الاسواق انما الفصل التاني نوووووووو وهاد رابط لتحميل الفصل الثاني تفضلوا ........


من هنا (http://www.khanedu.net/vb/showthread.php?t=10126)