هل تتزوج فتاة كنت على علاقة بها ؟ سؤال للنقاش ؟؟

[شمعة فلسطين]

هل تتزوج فتاة كنت على علاقة بها ؟ سؤال للنقاش ؟؟



ضعوا ما بين اياديكم , هذا موضوع جديد للنقاش , عسى ان يحوز على اعجابكم وان ينال حقه من النقاش المفيد .. هل تتزوج وحدة كنت على علاقة بها؟ سؤال للنقاش.. والصبايا رايكم ووجهة نظركم مطلوبة كمان..
بصراحه موضوع مهم


هل تتزوج بنت تعرفت عليها عن طريق التلفون او الانترنت ؟


وهذه قصة حدثت



بدنا رايكم فيها..



محادثه هاتفية بين حسام واخته رنين..



نبدأ بالمحادثة


الووو مرحبا رنين انا حسام..



رنين : اهلين حسام ...



حسام : عندي موضوع بدي احكي معك فيه بخصوص بنت..



شو رأيك في (فلانة) الي انا على علاقة فيها , وهي بدها نرتبط..


رنين : البنت محترمة وما عملت اي غلط..



رنين : وليش متردد انك تخطبها؟


حسام : لانها قبلت تحكي معي بالتلفون..



رنين : بس انت قلت لي انها محترمة وانك تعمقت معها وانك بتحبها؟



حسام : صحيح وهي محترمة جدا لكن !!



رنين : لكن ايش يا حسام ؟


حسام : اكيد الي قبلت تحكي معي حكت مع غيري...



رنين : مش شرط يا حسام !!



حسام : لأ شرط ونص يا رنين..



رنين : بس انت يا حسام بتحكي معها من فترة طويلة ولما اجاك وقت الجد وقلنا يا زواج صار بدك تتهرب؟


حسام : صح لكن .... عندي مبدأ في الحياة وهو " الي بتحكي معي بتحكي مع غيري وبتخون"..



ويستمر الحديث الذي لا ينتهي......



شو رأيكم يا جماعة نتناقش بهذا الموضوع ؟


هل ترضى ان تتزوجها ؟ وانتوا يا بنات كمان خليكن متمسكين وبالاخر ينضحك عليكن...


نريد ردود صريحة >>>>>>>>



نريد اراء الجميع المجربين وغير المجربين... دون احراج


طبعا اراءكم بتفيد الكثير



والبنات مدعوات للمشاركة اكثر من الشباب



هل ينجح هذا الزواج ؟؟؟



ام ان الشك سيسيطر على الطرفين؟



لا تتهربوا .. واشتركوا في النقاش الهام...
هذا نشرته فب كذا منتدى وبمان انني صرت اخو اليكم اتمنى ان نعطيكم من مواهبي

تحياتي للجميع

[روان]

السلام عليكم ورحمة الله وبركاته

الزواج يمكن ان ينجح ويمكن لا
حسب تفكير الشخص
فهناك شخص مثل حسام ..راؤا انه لا يستطيع الزواج بسبب الشك فيه....وعلى فكرة يمكن تكون الفتاة كلمته ولاكن لا يوجد اشرف منها بالوجود ولا تخون مهما كان السبب..ولاكن شك حسام لا يزول ...واذا دخل الشك بين اثنين من المستحيل نجاح علاقتهما

وهناك اشخاص ياخذون المسالة ببساطة...ولا يشون بها ......سيكون زواجهما ناجحا...ذلك يرجع لهما

كما قلت سينجح الزواج حسب عقلية الفتاة والشاب......هذا يرجع لهما

[ابو عمر]

ما بعارض شيء متل هيك

بالعكس اهم شيء يكون موجود الثقه بين هؤلاء الاتنين

ولكل منا قصه حب واعجاب ولكن ادا انسان حب من كل قلبه اكيد راح ينسي كل ماضيه

وينتبه الي هدا الحب الجميل الرائع الدي امامه

وزي ما قلت اهم شي تكون الثقه موجوده

وانا متاكد ادا البنت حبت انسان باخلاص راح تضلها تحبه للابد

فلدالك انا لا اري عيب انو الانسان يحب واحده الو علاقه معاها

ولا لشو هو معجب فيها من اول

تحياتي ليكي

ولطرحك الجميل

اسير فلسطين

[شمعة فلسطين]

روان

انا معك ياروان
يسلمووو
بس ازا الشخص بحبها ما كان عمل هيك

مشكورة على الرد الحلو

[MeshtaG]

مرحبا أُخيتي / جروح صامته

موضوع جميل واختيارك أجمل ..

كثير من الشباب لا يتمنى هذا الموقف أو بالأحرى هذا السؤال , لأنه لطمة في فم الخيال الرومانسي وهزةً لغفلة الشوق الكذوب في النفوس العاشقة للأنانية ..

فالذئاب لا تنبه الفريسة ولا تكشف عن لمعان أنيابها أمام ناظريها إلا بعد ما تتمكن من الايقاع بها تحت مخالب تعجز عن فكها إلا ان تستسلم ثم يبدأ بتفشي رائحتها للذئاب الأخرى حتى تنتهي وتزول ... وتبقى الفضيحة والعار وعذاب الألم واحتقار النفس في الأنثى الإنسية التي كانت في يوم ما أمنية كل متأمل لجمال جاذبيتها وسحرها ودلع أنوثتها .

لست بمعزل بما أقول عن بني جلدتي ولا أرفع نفسي عن منتهاها ولكن لي حدود لا أتعدها حتى لاتقع من أعيلها فريسة للغير كما كنت أبحث عن فريسة ضالة " فكما تدين تدان " .

إلى متى أتتبع أوهام الهوى إن كنت أعلم يقيناً إنها أوهام ولعبة قذرة ألعبها في نفس أنثى قد آلمني ثقتها بقلب قدم لها جنان الغرام ووضع شمس الحقيقة الغائبة في يد وقمر الأحلام الرومانسية في اليد الأخرى .. ؟ وكم من تلك الأنوثه أريد أن أسلى أيام خاليات تحسب علي في مروئتي وديني وانسانيتي ؟ كم من عيون أبكيتها إرضاء لهوى في نفس شيطان أرعن قد كفر بالمكارم والأخلاق وكفر بالله ربا قبل هذا ؟..

وإن كان عذري بما اعتذر به صاحب القصة فما يقيني بمن أتمنى ان تكون زوجتي أن ماضيها نهار بلا ليل وأن صحائف أيامها لم تتلطخ بما أخاف منه .

أعقلها وتوكل ... ودع الشكوك أن كان اختيارك من الاساس تحسبه سليما فما ضرك بعده شيئاً وان تراء لك ما خفته فالباب الذي دخلت منه لا يعجزك الخروج منه .. ولكن صحح النية من قبل ويصحوا الأمل لك من بعد .

وكذا الأنثى ..
لا تفتح القلب لمن هب ودب متأملا لعب وحب ..
ما أجمل الأنوثه فيك إن كانت مصونه .. فالوردة جميلة ورائعه منظرها وعطرها .. وما أقبحها حين تقطف ويخالطها عرق الأيادي .


اعتذر عن الاطالة .
والخلاصة اختياري ... هو قراري .

[شمعة فلسطين]

اسير فلسطين

صحيح كلامك الجميل
هوة لزم الثقه بينكل شخصين

يسلمو على مرورك

[شمعة فلسطين]

مشتـــــــــــــاق
مش عارف كيف اشكرك على كلامك

يسلمو على الرد الجميل والمميز
تحياتى

[abujandal2000]

جروح صامتة ما بدي اطول بالحكي واكتر
والاخوة والاخوات شكروكي كتير قبل مني وبشكرك بأسمي انا وبأسم كل أعضاء المنتدى الغالي على المواضيع و الأطروحات الكريمة
بالمختصر المفيد

طول ما التفاهم والثقة موجودين اكيد رح ارتبط فيها وموضة انو تتجوز وحدة ما بتعرفها وبس عن طريق امك ولا خالتك ولا ستك ومتل ما بسموه المصريين جواز الصالونات صارت موضة قديمة وعاف على الزمن ومتل ما بقول المثل : " أكل عليها الزمان وشرب".

المهم يا اخت جروح الثقة والتفاهم وبعدها كل شي بهون
تحياتي ألك وللجميعhttp://www.7kayh.com/vb/images/icons/eh_s(17).gif

[شمعة فلسطين]

يسلمو على الرد الجميل
حكى جميل


تحياتى

[AYLOL <--]

هل ينجح هذا الزواج ؟؟؟



ما بعتقد انو ينجح .. لانو ما بني على باطل فهو باااطل .. صحيح ممكن يدوم فترة ..بس الا ما يفشل
لانو الشيء الي بيبدى صح ربنا بيوفق فيه .. وبيستمر ..

وباعتقادي .. حتى لو كل الشعب صار يتزوج بهالطريقة البنت تحكي مع الشب قبل اي اشي رسمي " شرعي "

هاد مش دليل انو هاد الاشي صح .. يمكن الشغلة صارت موضة الغلط ..

ولو كل الشباب مقتنعين بهالاشي مية بالمية ... كانو رح يرضو على خواتهم هالطرق ..بس للاسف بيرضو لحالهم ..بس خواتهم لا.. >> انا هاد بعتبروا انو لسا في خير بالدنيا ..لانو لو وصلو لمرحلة .. انو يرضى على اختو الغلط

بتكون صارت مصيبة .. فعلا


يعني بجد كل مالها مقايس الغلط والصح ..بتروح ..وبتبطل واضحة


يعني اتطلعي من زمااان لليوم ...يعني كل يوم المجتمع بتخلى عن قيمة من هالقيم ... ومن هالقيم الي تخلى عنها الاغلبية ... قصة البنت تحط لحالها وقاار .. وقيمة
يعني صارت بتحكي مع الشب قبل اي ارتباط ... غير الارتباطات الوهمية تبعتهم .. " بيحبها ..صديقتو .. رح يتزوجها بيوم ما ..الخ "




ام ان الشك سيسيطر على الطرفين؟


شوفي .. من ناحية الشك ... هاد بترجع لطبيعة الانسان ومقدار الثقة ... ونظرتوا للامور هاد ...يعني لو شب بيفكر بطريقة تفكيري بالنسبة للموضوع هااد .. ما رح يفكر يتزوجها من البداية ... وان صار هالاشي ..رح يكون في شك .. او ثقة اقل بالاصح

بس ممكن تلاقي شباب من نوع تاني .. الي هما بيعتبروا هالشغلة تحضر .. ورقي ..وتخلص من عادات القديمة " جواز الصالونات " على قولة ابو جندل ...
النوعية الي بتفكر هيك .. بعتقد انها مش هتفرق الشغلة عندها كثيير

وبكرا بناتهم على هالطريق ... <<< يعني شوي شوي ومن جيل لجيل .. رح يصيروا يطلعو كمان مع بعض ...


طالما ما وقفنا في وجه الغلط من الاول .. رح يستمر هالغلط

يعني جيل جدودهم ..عندهم مستحييييل البنت تحكي مع الشب
جيل ابائهم .. تحكي مع فلان وفلان بحكم هيك ..بس غيروا لا


جيلهم .. وشو الغلط لمن تحكي مع الشب قبل اي ارتباط


جيل ولادهم ...شو المشكلة لو طلعت مع الشب "بيعرفوا بعض اكتر " << وجه نظر فاشلة رسمي


جيل ولاد ولادهم .... الله بيعلم شو رح يصير كمان


لكن لو ما وقفنا في وجه الغلط من البداية .. وكنا متوسطين بحكمنا على الاشياء .. ومتمسكين في عاداتنا .. هاد العادات الي ما اجت من فرااااغ

المجتمع رح يسلم ..



:
:


طولت كثيير

بس الموضوع مشجع كثيير للحكي

بتمنى تكون الفكرة وصلت

مشكورة

[شمعة فلسطين]

ياي ياي
كلامك رائع وصحيح
وان شاء الله ما بنجربوو يارب

تحياتى